Un caso importa di Chikungunya confirma na Aruba l
Tuesday, 04 February 2014
Eugene Maduro di Salubridad Publico trahando den e departamento di Epidiomolgia y Investigacion a hiba palabra durante e conferencia di prensa riba e asunto di Chikungunya. Tin 2575 caso sospechoso registra pa Carpha den nos e regio y riba 1000 caso confirma. Aruba mes a ricibi informacion for di un laboratorium caminda e testnan a wordo manda.
Segun Eugene Maduro un di e testnan a bin positivo y ta un personan masculino cu el a haya na e parti Frances di St Maarten. Aruba tin un caso importante di Chikungunya. Tur medida di precausion a wordo tuma. Awor Aruba mester bai raport internacionalmente na PAHO y CARPHA y Aruba lo aparece riba e website di PAHO cu tin un caso confirma na Aruba. Riba e biaheronan cu ta bai of ta bin di St Maarten tur agencia di biahe a haya un travel info riba e medidanan di precausion cu mester wordo tuma.
Mester tene cuenta cu pronto lo tin carnaval na St Maarten y basta biahero di Aruba ta bai. Mester evita cu e sangura ta picanan na St Maarten y mas caso por wordo registra na Aruba. Pa e sector hotelero tambe ta bon pa ta alerta y si tin hende cu tin sintomanan di e situacion ta bon pa raporta esaki na e departamento di malesanan contagioso.
More: 24ora
